تربت: بلوچستان کے ضلع تربت میں مسافر بس پر حملے کی ذمے داری کالعدم بی ایل اے نے قبول کرلی ہے۔
سیکیورٹی ذرائع کے مطابق دہشت گرد تنظیم بی ایل اے نے تربت میں معصوم شہریوں کو حملے کا نشانہ بنایا اور اس حملے کی ذمے داری قبول کی ہے۔ جان لیوا حملے میں 4 شہری جاں بحق اور متعدد زخمی ہوئے تھے، جاں بحق افراد کا تعلق بلوچستان کے مختلف علاقوں سے ہے۔
سیکیورٹی ذرائع کے مطابق دہشت گرد حملے میں نور خان ولد دوشمبے، عبدالوہاب ولد عظیم، اعجاز ولد زر محمد، لیاقت علی ولد الہندا خان شامل ہیں۔
میڈیاذرائع کے مطابق حملے سے ثابت ہوتا ہے کہ کالعدم تنظیم مذموم مقاصد کےلیے شہریوں کو نشانہ بناتی ہے، جو عوام دشمنی میں بیرونی قوتوں کے ایجنڈے پر عمل پیرا ہے۔
سیکیورٹی ذرائع کے مطابق کالعدم بی ایل اے نے 1 سال میں 100 سے زائد معصوم بلوچ شہریوں کی جان لی ہے۔
