پشاور:صوبائی دارالحکومت کے علاقے تہکال میں ذاتی دشمنی کے باعث فریقین کے درمیان شدید فائرنگ کے نتیجے میں 5 افراد جاں بحق اور ایک شخص زخمی ہو گیا۔
پولیس کے مطابق واقعے کی اطلاع ملتے ہی بھاری نفری اور ریسکیو ٹیمیں موقع پر پہنچیں اور جائے وقوع سے شواہد اکٹھے کیے گئے۔ لاشوں سمیت زخمی کو اسپتال منتقل کر دیا گیا۔ حکام نے تصدیق کی کہ یہ واقعہ دیرینہ دشمنی کا نتیجہ ہے۔
پولیس کا کہنا ہے کہ فائرنگ میں ملوث افراد موقع سے فرار ہو گئے ہیں اور ان کی تلاش کے لیے علاقے میں سرچ آپریشن شروع کر دیا گیا ہے۔
