فلسطین میں اسرائیل کی ریاستی دہشت گردی کا سلسلہ جاری ہے ، تازہ ترین اسرائیلی حملوں میں مزید11 فلسطینی شہید اور 15 زخمی ہو گئے۔
غیر ملکی میڈیا کے مطابق صیہونی فوج کی جانب سے قرار دیے گئے نام نہاد سیف زون المواصی پر بم باری سے کم از کم 11 فلسطینی شہید جبکہ 15 زخمی ہو گئے ہیں۔
غیر ملکی میڈیا کے مطابق غزہ میں بارش، سردی اور خوراک کی کمی نے 14 ماہ سے جاری جنگ کے باعث انسانی بحران کو مزید سنگین بنا دیا۔
7 اکتوبر 2023 کے بعد سے اسرائیلی حملوں میں اب تک شہید فلسطینیوں کی مجموعی تعداد 45 ہزار 550 سے تجاوز کر گئی ہے جن میں بچوں اور خواتین کی بڑی تعداد شامل ہیں۔
غزہ وزارت صحت کے مطابق غزہ میں اسرائیلی حملوں کے باعث زخمیوں کی تعداد 108379 سے تجاوز کر گئی ہے ۔
