کراچی : امیر جماعت اسلامی حافظ نعیم الرحمان کا کہنا ہے کہ جماعت اسلامی صبح آزادی تک کشمیریوں کے شانہ بشانہ رہے گی۔
جماعت اسلامی پاکستان کی جانب سے جاری اعلامیے کے مطابق حافظ نعیم الرحمان نے کہا ہے کہ کشمیر ریاست کے آزاد خطوں کے مسائل حل کرنا حکمرانوں کی ذمہ داری ہے جماعت اسلامی نے ہمیشہ آزاد کشمیر کے مسائل کے حل کے لیے جدوجہد کی ہے، حکمرانوں کو مقبوضہ کشمیر کی آزادی کے لیے عملی اقدامات کرنا ہوں گے۔
ان کا کہنا تھاکہ جماعت اسلامی نے گلگت بلتستان کے عوام کے آئینی و سیاسی حقوق کے لیے جدوجہد کی اور کشمیر کے معامنلے پر جماعت اسلامی نے مرکزی حکومتوں کو متوجہ کیا اور کرتی رہے گی۔
حافظ نعیم الرحمان کا کہنا تھاکہ ریاست کے آزاد خطوں کو بااختیار بنا کر تحریک آزادی کشمیر کا حقیقی بیس کیمپ بنایاجائے، ان کا کہنا تھا کہ آزاد کشمیر اور گلگت بلتستان انتخابات پر وفاقی و صوبائی حکومتیں مداخلت سے اجتناب کریں۔
