برطانیہ کی ایک لائبریری سے 31 سال قبل لی گئی کتاب بالآخر لوٹا دی گئی۔
کریڈٹن لائبریری نے جمعرات کو اپنے فیس بک پیج پر اس کتاب کی واپسی سے متعلق ایک پوسٹ شیئر کی، جس میں تین دہائیوں بعد کتاب واپس کرنے والے گمنام شخص کا شکریہ ادا کیا گیا۔
کریڈٹن لائبریری نے پوسٹ میں بتایا کہ جب ہم نے کتاب کے تاریخ کے لیبل کو چیک کیا تو معلوم ہوا کہ یہ کتاب 31.5 سال کی تاخیر سے واپس کی گئی ہے۔
پوسٹ کے ساتھ دو تصاویر بھی شیئر کی گئیں، جن میں سے ایک میں کتاب کا سرورق اور لفافہ دکھایا گیا ہے، جس پر واپسی کا کوئی پتہ درج نہیں تھا، جبکہ دوسری تصویر میں کتاب کے قرض لینے والے کا کارڈ دکھایا گیا ہے، جس پر آخری واپسی کی تاریخ 25 مارچ 1993 درج تھی۔
