مراکش کے ساحل پر کشتی ڈوبنے کے نتیجے میں کم از کم 69 افراد ہلاک ہو گئے جن میں 25 شہری مالی کے بھی شامل ہیں۔
افسوسناک حادثہ 19 دسمبر کو پیش آیا تھا۔ کشتی میں تقریباً 80 افراد سوار تھے، جو خطرناک سفر کے دوران الٹ کر ڈوب گئی۔ بدقسمتی سے، اس کشتی میں سوار صرف 11 افراد زندہ بچنے میں کامیاب ہو پائے۔
مالی کی وزارتِ خارجہ نے اس واقعے کی سنگینی کو دیکھتے ہوئے کرائسس یونٹ قائم کر دیا ہے تاکہ صورتحال کا قریبی جائزہ لیا جا سکے۔ متاثرین میں سے زیادہ تر کا تعلق مالی کے مغربی علاقے کائیس سے تھا، اور وہ موریطانیہ میں تعمیراتی کام کے لیے ہجرت کر چکے تھے۔
رپورٹس کے مطابق متاثرین نے یورپ اور امریکا میں اپنے دوستوں کے ساتھ بات چیت کے بعد خطرناک سفر کا فیصلہ کیا تھا، جب کہ بعض افراد نے اپنے گھر والوں کو بتائے بغیر ہی اس خطرے کو گلے لگا لیا۔
