میرپور ماتھیلو(آن لائن)خانپور مہر کے قریب کار نہر میں گرنے سے 3 افراد جاں بحق ہوگئے۔کار تیز رفتاری کے باعث نہر میں جاگری، تینوں افراد ڈوب کر موقع پر جاں بحق ہوگئے، اطلاع پر امدادی ٹیمیں موقع پر پہنچ گئیں، کار میں سوار 2 افراد کو زندہ بچا لیا گیا، جاں بحق ہونے والوں کی شناخت فقیر، وجاہت اورموچارو کے ناموں سے ہوئی ہے۔ حادثے کی اطلاع پر پولیس کی بھاری نفری بھی موقع پر پہنچ گئی، لاشوں کو ضروری کارروائی کے لیے اسپتال منتقل کر دیا گیا، پولیس نے واقعے کی تفتیش شروع کردی۔
