مذاکرات میں سنجیدگی نظر آئی تب سول نافرمانی کی کال واپس لینے پر سوچا جائیگا‘ شیخ وقاص

اسلام آباد(آن لائن)پاکستان تحریک انصاف (پی ٹی آئی) کے مرکزی سیکریٹری اطلاعات شیخ وقاص اکرم کا کہنا ہے کہ مذاکرات میں اگر سنجیدگی نظر آئی تب سول نافرمانی کی کال واپس لینے پر سوچا جائے گا۔نجی ٹی وی سے ٹیلیفون پر گفتگو کرتے ہوئے انہوں نے کہا کہ بانی نے بیرسٹر گوہر، سلمان اکرم راجا اور مجھے عالمی امور پر بات کرنے کی ہدایات دی ہیں۔ شیخ وقاص اکرم کا کہنا ہے کہ بانی پی ٹی آئی نے کہا ہے کہ مذاکرات میں اپنے دو بنیادی نقاط پر کوئی سمجھوتا نہ
کریں۔پی ٹی آئی کے رہنما نے مزید کہا کہ پہلا مطالبہ بانی پی ٹی آئی سمیت تمام سیاسی قیدیوں کی رہائی ہے۔ ان کا یہ بھی کہنا ہے کہ 9 مئی اور 26 نومبر واقعات پر جوڈیشل کمیشن کا قیام دوسرا مطالبہ ہے۔