لاہو ر(اسپورٹس ڈیسک ) سابق ٹیسٹ کپتان راشد لطیف نے کہاہے کہ بابر اعظم ایک بہترین بیٹر ہیں ،البتہ نمبر “3”پر ان کا ریکارڈ زیادہ متاثر کن دکھائی نہیں دیتا۔ایک انٹرویو میں راشد لطیف نے کہا کہ بابر اعظم نے ٹیسٹ کرکٹ میں سب سے زیادہ 2486 رنز نمبر”4″پوزیشن پر کھیلتے ہوئے بنائے ، جہاں انہوں نے 52 اننگز میں 7 سنچریاں اور 14 نصف سنچریاں اسکور کر رکھی ہیں۔انہوں نے بتایا کہ سابق ٹیسٹ کپتان بابر اعظم نے ٹیسٹ کرکٹ میں 19 مرتبہ نمبر “3 “پوزیشن پر بیٹنگ کی ہے،جہاں انہوں نے30.00کی اوسط سے 510 رنز اسکور کر رکھے ہیں۔ واضح رہے پاکستان اور جنوبی افریقا کے درمیان آئی سی سی ٹیسٹ چمپئن شپ کا پہلا ٹیسٹ سنچورین میں آج سے شروع ہو رہا ہے۔
