اسلام آباد: محکمہ موسمیات کا کہنا ہے کہ کل جمعرات کے روز ملک کے بیشتر علاقوں میں موسم سرد اور خشک جبکہ پہاڑی علاقوں میں صبح اور رات کے اوقات شدید سرد رہنے کا امکان ہے۔
محکمہ موسمیات کا کہنا ہے کہ شام یا رات میں کشمیر اور ملحقہ پہا ڑی علاقوں میں مطلع جزوی ابر آلود رہنے کے علاوہ چند مقامات پر ہلکی بارش، ہلکی برفباری ہو سکتی ہے۔ جبکہ پنجاب کے چند میدانی علاقوں اور بالائی سندھ میں صبح یا رات کے اوقات میں اسموگ، دُھند چھائے رہنے کی توقع ہے۔
رپورٹ کے مطابق اسلام آباد ، خطہ پوٹھوہار اور خیبرپختونخوا میں چند مقامات پر صبح کے او قات میں کہرا پڑنے کا امکان ہے۔
محکمہ موسمیات کے مطابق آج بدھ کو ملک کے بیشتر علاقوں میں موسم سرد اور خشک جبکہ پہاڑی علاقوں میں شدید سرد رہا، پنجاب کے میدانی علاقوں اور بالائی سندھ میں سموگ، دُھند چھائی رہی۔
آج کم سے کم درجہ حرارت لہہ میں منفی 13، سکردو منفی 11، استور، گوپس منفی 8، گلگت منفی 7، کوئٹہ، زیارت منفی 6، ہنزہ، بگروٹ اور دیر میں منفی 5 ڈگری سینٹی گریڈ ریکارڈ کیا گیا۔
