لاہور(اسپورٹس ڈیسک )پاکستان سپر لیگ سیزن 10 کیلیے کھلاڑیوں کی رجسٹریشن کا عمل جاری ہے۔ انگلینڈ ٹیم کے کھلاڑی ڈیوڈ ویلی نے پی ایس ایل سیزن10کیلئے سائن اپ کرلیا ،ڈیوڈ ویلی اس سے قبل بھی پی ایس ایل کا حصہ رہ چکے ہیں ،ڈیوڈ ویلی نے پی ایس ایل میں اس سے قبل ملتان سلطانز کی نمائندگی کی ہے ۔خیال رہے کہ پاکستان سپر لیگ کے 10ویں ایڈیشن کے سلسلے میں ڈرافٹ کا پک آرڈر جاری کر دیا گیا ہے۔ پلاٹینم کیٹیگری کے پہلے رائونڈ کی پہلی پک لاہور قلندرز کی ہوگی جبکہ دوسری پک کراچی کنگز کی ہوگئی، اسی طرح کوئٹہ گلیڈی ایٹرز کی تیسری، پشاور زلمی کی چوتھی، ملتان سلطانز کی پانچویں اور اسلام آباد یونائیٹڈ کی چھٹی پک ہوگی۔پلاٹینم کیٹیگری میں مجموعی طور پر فرنچائزز کی تین تین پکس ہوں گی جبکہ ڈائمنڈز اور گولڈ کیٹیگری میں بھی مجموعی طور پر تین تین پک ہوں گی۔
