اسرائیلی فوج کے غزہ میں پناہ گزین کیمپوں اور اسپتالوں پر 14 ماہ سے زائد عرصے کے بعد بھی حملے جاری ہیں، کل سے اب تک مزید 26 فلسطینی شہید ہو گئے۔
غیر ملکی میڈیا کے مطابق صیہونی فوج کی جانب سے وسطی غزہ میں امدادی قافلے، رہائشی عمارتوں اور کمال عدوان اسپتال پر کی گئی بم باری کے نتیجے میں 4 فلسطینی شہید جبکہ متعدد زخمی ہو گئے ہیں۔
7 اکتوبر 2023 کے بعد سے اسرائیلی حملوں میں اب تک شہید فلسطینیوں کی مجموعی تعداد 45 ہزار 343 سے تجاوز کر گئی ہے جن میں بچوں اور خواتین کی بڑی تعداد شامل ہیں۔
غزہ وزارت صحت کے مطابق غزہ میں اسرائیلی حملوں کے باعث زخمیوں کی تعداد 107700 سے تجاوز کر گئی ہے ۔
