بالائی علاقوں میں شدید سردی کی پیش گوئی‘مطلع ابرآلود رہیگا

اسلام آباد ( نمائندہ جسارت) ملک کے بیشتر علاقوں میں آئندہ 24 گھنٹوں کے دوران موسم سرد اورخشک جبکہ پہاڑی علاقوں میں صبح اور رات کے اوقات میں شدیدسرد رہنے کا امکان ہے تاہم گلگت بلتستان،کشمیر اور شمال مشر قی پنجاب میں مطلع جزوی ابر آلو رہنے کے علاوہ بعض مقامات پر ہلکی بارش اور پہاڑوں پر ہلکی برفبا ری ہو سکتی ہے۔ محکمہ موسمیات کے مطابق پنجاب، بالائی
سندھ اور خیبر پختونخوا کے میدانی علاقوں میں صبح اور رات کے اوقات میں سموگ/دُھند چھائے رہنے کی توقع ہے۔محکمہ موسمیات کے مطابق گذشتہ 24 گھنٹوں کے دوران ملک کے بیشتر علاقوں میں موسم سرد اور خشک جبکہ پہاڑی علاقوں میں شدید سرد رہا۔ پنجاب، بالائی سندھ اور خیبر پختونخوا کے بعض علا قوں میں صبح اور رات کے اوقات میں سموگ/دُھند چھائی رہی۔اتوار کو ریکارڈکئے گئے کم سیکم درجہ حرارت: لہہ منفی13، اسکردو منفی 11، گو پس منفی 09، گلگت،دیرمنفی 08، استور منفی 07،قلات، بگروٹ منفی 06، کو ئٹہ،زیارت اورچترال میں منفی 05 ڈگری سینٹی گریڈ ریکارڈ کیا گیا۔