کراچی (اسٹاف رپورٹر)کراچی کے مختلف ٹریفک حادثات میں خاتون جاں بحق اور 7 افراد زخمی ہوگئے ہیں۔پولیس کا کہنا ہے کہ عائشہ منزل پر مسافر بس نے موٹر سائیکل کو ٹکر مار دی، جس سے بیوی جاں بحق اور شوہر زخمی ہوگیا۔ مشتعل افراد نے مسافر بس کو آگ لگا دی جبکہ بس ڈرائیور فرار ہوگیا۔ حکام کا کہنا ہے کہ شیر شاہ گلبائی جاتے ہوئے 2 ٹریلرز میں ٹکر سے 2 افراد زخمی ہوئے۔ ہاکس بے مشرف کالونی میں نامعلوم گاڑی کی ٹکر سے رکشہ الٹ گیا۔پولیس کا کہنا ہے کہ رکشہ الٹنے سے 4 افراد زخمی ہوئے، جنہیں سول اسپتال منتقل کیا گیا۔واضح رہے کراچی کی سڑکوں پر دندناتے ڈمپر موت بانٹنے لگے، 24 گھنٹوں میں 5 افراد جاں بحق ہو گئے۔
