گیس قیمتوں میں اضافے کے بعد صارفین کے بل کی تفصیلات

اسلام آباد ( نمائندہ جسارت) گیس کی قیمتوں میں اضافہ ہونے کے بعد صارفین کا بل کتنا آئے گا تفصیلات سامنے آگئیں۔ایک ایم ایم بی ٹی یو استعمال پر پنجاب اور پختونخوا کے صارفین کا کم از کم بل 2450 روپے آئے گا۔ ذرائع کے مطابق 1ایم ایم بی ٹی یو پر بلوچستان اور سندھ کے صارفین کا کم از کم بل 2651 روپے آئے گا۔2 ایم ایم بی ٹی یو استعمال پر پنجاب اور کے پی کے صارفین کا کم از کم بل 3100 روپے تک آئے گا، 2 ایم ایم بی ٹی یو استعمال پر بلوچستان اور
سندھ کے صارفین کا بل 3300 سے زائد آئے گا، کے پی اور پنجاب کے 3 یونٹ استعمال کرنے والے صارفین کا بل ساڑھے 5 ہزار روپے تک آئے گا۔کے پی اور پنجاب کے صارفین کو4 یونٹس استعمال کرنے والوں کا بل 6 ہزار روپے تک آئے گا، بلوچستان اور سندھ کے4 یونٹس والے صارفین کا بل 6 ہزار 600 روپے آئے گا، ایم ایم بی ٹی یو کے اضافی استعمال کے ساتھ بلوں میں مزید اضافہ ہوگا۔