حیدرآباد (اسٹاف رپورٹر) کھیلوں کے مقابلے نوجوانوں کی صلاحیتوں میں اضافہ کرتے اور ان کو آگے بڑھنے کے مواقعے ملتے ہیں، اسی لیے زیادہ سے زیادہ کھیلوں کے مقابلے منعقد کیے جائیں۔ ان خیالات کا اظہار سینئر میڈیکل آفیسر سندھ یونیورسٹی جامشورو ڈاکٹر اربیلا نے کیا۔ انہوں نے کہاکہ ڈسٹرکٹ اسپورٹس آفیسر حیدرآباد مریم کیریو نے صوبائی وزیر کھیل محمد بخشں مہر کی ہدایت پر شاندار اسپورٹس فیسٹول کا انعقاد کر کے نوجوانوں کو صحت مند سرگرمیاں فراہم کی ہیں جو مبارک باد کی مستحق ہیں۔ اس موقع پر سابق ڈائریکٹر اسپورٹس سندھ اسپورٹس بورڈ شہزاد پرویز بھٹی نے کہا کہ اب کھیلے گا حیدرآباد کا شاندار سلوگن سے مریم کیریو نے جو کھیلوں کا آغاز کیا ہے وہ قابل تعریف ہے، اگر صوبائی وزیر محمد بخش مہر اور سیکرٹری اسپورٹس عبدالعلیم لاشاری کی سرپرستی اسی طرح جاری رہے تو انشاء اللہ حیدرآباد سے بھی قومی اور بین الاقوامی سطح پر کھلاڑی سامنے آئیں گے جو حیدرآباد اور سندھ کا نام روشن کریں گے۔ انہوں نے کہاکہ مریم کیریو کی سرپرستی مین ان کی ٹیم نے شاندار انداز مین اقبال ڈے اسپورٹس فیسٹول منعقد کیا ان کی پوری ٹیم مبارکباد کی مستحق ہے۔ قبل ازیں ڈسٹرکٹ اسپورٹس آفیسر حیدرآباد مریم کیریو نے مہمان گرامی ڈاکٹر اربیلا، شہزاد پرویز بھٹی، ڈائریکٹر کالجز حیدرآباد ناصر علی اور دیگر مہمانوں کا شکریہ ادا کرتے ہویے کہا کہ صوبائی وزیر کھیل محمد بخش مہر اور سیکریٹری اسپورٹس عبدالعلیم لاشاری، ڈائریکٹر اسپورٹس امداد علی ابڑونے جس طرح ہم پر اعتماد کیا ہم نے ان کی سرپرستی میں شاندار ایونٹ آرگنائز کیا، اگر یہ سلسلہ جاری رہا تو ہم آئندہ بھی اس طرح کے پروگرام کرتے رہیں گے۔ اس موقع پر ڈی ایس او جیند شیخ، چیف ڈائریکٹر فزیکل ایجوکیشن ریحانہ بھٹی، عقیل احمد، سینئر ڈائریکٹر فزیکل ایجوکیشن خرم رفیع، وسیم خان مصباح، ایونٹ کو آرڈیینٹر فیضان شیخ، میڈیا کو آرڈیینٹر عامر کفایت، شاہد ولی، حمیرا راجپوت، شبیر گل، اسد بچانی، محمود ذئی،عائشہ ارم پرویز شیخ، صنم بلوچ، ڈاکٹر خالد،سدراہ اور دیگر موجود تھے۔ کھیلے گئے مقابلوں میں آرم ریسلنگ گرلز اوپن میں حیات اسکول نے پہلی، مینس اسپورٹس فائونڈیشن نے دوسری، دی سسٹم اسکول نے تیسری، آرم ریسلنگ بوائز مینس اسپورٹس فاؤنڈیشن نے پہلی، ڈگری کالج لطیف آباد نمبر 11 نے دوسری، پبلک اسکول نے تیسری، آرچری گرلزمیں مینس فاونڈیشن نے پہلی، نزہت گرلز کالج نے دوسری، اے بی فیٹنس فاؤنڈیشن نے تیسری، آرچری بوائز مین ڈگری کالج لطیف آباد 11 نے پہلی،مینس فائونڈیشن نے دوسری، اے بی فائونڈیشن نے تیسری، ٹینس اوپن گرلز میں بختاور نے پہلی، کشف دعا نے دوسری، سحرش بیسٹ پرفامنس، ٹینس بوائز 14مین جیند مہر نے پہلی، ماجد علی نے دوسری پوزیشن حاصل کی۔
