غزہ میں اسرائیلی طیاروں کی بے گھر فلسطینیوں پر بمباری نہ تھمی، اسرائیلی فوج کی بم باری سے گزشتہ 24 گھنٹوں میں مزید 25 فلسطینی شہید ہو گئے ہیں۔
غیر ملکی میڈیا کے مطابق صیہونی فوج کی جانب سے غزہ پر کی گئی بم باری کے نتیجے میں 25 فلسطینی شہید ہوئے ہیں۔
میڈیا رپوٹس کے مطابق اسرائیلی فوج کی بمباری سے نصیرات پناہ گزین کیمپ میں 8 جبکہ جبالیہ میں 10 افراد شہید ہو گئے ہیں۔
7 اکتوبر 2023 کے بعد سے اسرائیلی حملوں میں اب تک شہید فلسطینیوں کی مجموعی تعداد 45 ہزار 206 سے تجاوز کر گئی ہے جن میں بچوں اور خواتین کی بڑی تعداد شامل ہیں۔
غزہ وزارت صحت کے مطابق غزہ میں اسرائیلی حملوں کے باعث زخمیوں کی تعداد 107512 سے تجاوز کر گئی ہے ۔
