پی ٹی آئی رکن قومی اسمبلی شیخ وقاص پر کرپشن کامقدمہ درج

اسلام آباد ( نمائندہ جسارت)پاکستان تحریک انصاف کے ایم این اے اور مرکزی سیکرٹری اطلاعات شیخ وقاص کے خلاف اینٹی کرپشن میں مقدمہ درج کر لیا گیا۔ مقدمہ محکمہ اوقاف پنجاب کی اراضی کے انتقال کے فراڈ کے الزام میں درج کیا گیا۔ایف آئی آر میں شیخ وقاص اکرم کی اہلیہ اور بھائی بھی نامزد کیے گئے ہیں۔اس کے علاوہ پٹواری اور تحصیل دار کے
خلاف بھی مقدمہ درج کرلیا گیا ہے۔اینٹی کرپشن کے مطابق 60 کینال کی اراضی کو جعلی کاغذات اور دھوکہ دہی سے اپنے نام کروائی، مقدمہ انکوائری ہونے پر درج کیا گیا۔