پاکستان میزائل پروگرام کی حمایتسے انکاردیرینہ پالیسی ہے‘ امریکا

واشنگٹن (آن لائن) پاکستان کے بیلسٹک میزائل پروگرام اور نئی امریکی پابندیوں سے متعلق امریکی محکمہ خارجہ نے وضاحت کرتے ہوے کہا ہے کہ ملک کے لانگ رینج بیلسٹک میزائل پروگرام کی حمایت سے انکار امریکا کی
دیرینہ پالیسی ہے۔ واشنگٹن میں پریس بریفنگ دیتے ہوئے امریکی محکمہ خارجہ کے نائب ترجمان ویدانت پٹیل نے کہا کہ پاکستان کے بیلسٹک میزائل پروگرام سے متعلق امریکا کے تحفظات واضح ہیں‘ پاکستان کے لانگ رینج بیلسٹک میزائل پروگرام کی حمایت سے انکار امریکا کی دیرینہ پالیسی ہے‘ ہم عالمی عدم پھیلاؤ کے نظام کو برقرار رکھنے کے لیے پر عزم ہیں ۔