حیدرآباد(اسٹاف رپورٹر)جمعہ کی صبح سویرے الشفاء کالونی نیا پل پرانی سبزی منڈی کے قریب رہائشی گھر میں گیس وال کھلا رہنے سے زور دار دھماکہ سے آگ لگ گئی گھر میں موجود 27سالہ وقاص اور اس کی26سالہ بیوی انیقہ جھلس کر زخمی ہوگئی واقعہ کی اطلاع ملتے ہی ریسکیو 1122موقع پر پہنچ گئی اور زخمیوں کو فوری طور پر سول ہسپتال پہنچایا گیا بتایا جاتا ہے کہ دھماکہ اتنا شدید تھا کہ دور تک دھماکہ کی آواز سنی گئی دھماکہ سے گھر کی ایک دیوار بھی گرگئی ریسکیو کے مطابق گیس کا وال کھلا رہنے کے باعث دھماکہ ہوا جس کے نتیجے میں آگ لگی اور مکان کی دیوار بھی گر گئی گھر کے اندر موجود میاں بیوی جھلس کر زخمی ہوگئے جنہیں ہسپتال منتقل کر دیا گیا ہے ریسکیو ذرائع نے میڈیا کو بتایا کہ رات کو گیس چیک کرنے کی وجہ سے وال بند کرنا بھول گئے تھے صبح 6 بجے گیس آئی تھی جس کی وجہ سے دھماکہ ہوا ریسکیو ٹیم کی جگہ کو کلیئر قرار دے دیاہے سول ہسپتال حیدرآباد کے برنس وارڈ کے رجسٹرار روشن چانڈیو کے مطابق وقاص اور انیقہ 40فیصد جھلس گئی ہیں جنہیں تشویشناک حالت میں سول ہسپتال کراچی شفٹ کردیا گیا ہیں۔
