اسلام آباد(اسپورٹس ڈیسک )جنوبی افریقاکیخلاف کامیابی پروزیراعظم شہبازشریف اور چیئرمین پی سی بی محسن نقوی نے قومی ٹیم کومبارکباد دی۔جاری بیان کے مطابق وزیراعظم شہبازشریف نے کہا کہ پاکستان کرکٹ ٹیم نے شاندار کم بیک کیا، ٹیم نے سیریزجیت کر قوم کو بہترین تحفہ دیا، کامیابی کھلاڑیوں کی محنت اور غلطیوں سے سیکھنے کی بدولت ممکن ہوئی۔ دوسری جانب چیئرمین ( پی سی بی) محسن نقوی نے بھی جنوبی افریقا کے خلاف دوسرا ون ڈے میچ اور سیریز جیتنے پر قومی کرکٹ ٹیم کو مبارکباد پیش کی ہے ۔چیئرمین پی سی بی نے کہا کہ قومی ٹیم کے کھلاڑیوں نے جنوبی افریقا کو ہوم گرائونڈ پر شکست دے کر شاندار کارکردگی کا مظاہرہ کیا، اس جیت سے کھلاڑیوں کا مورال بلند ہو گا۔محسن نقوی نے کہا کہ کھلاڑیوں نے ٹیم ورک کا بہترین مظاہرہ کرکے سیریز اپنے نام کی، محمد رضوان، بابراعظم اور کامران غلام نے عمدہ بلے بازی کرکے جیت کی بنیاد رکھی۔ انہوں نے کہا کہ امید ہے کہ چیمپئنز ٹرافی ٹورنامنٹ میں بھی پاکستانی ٹیم ایسی شاندار کارکردگی دکھائے گی۔
