کیپ ٹائون(اسپورٹس ڈیسک )پاکستان اور جنوبی افریقا کے درمیان سیریز کے دوسرے ون ڈے میچ میں کپتان محمد رضوان اور ہینرچ کلاسن کے درمیان تلخ جملوں کا تبادلہ ہوگیا۔ گزشتہ روز کیپ ٹائون میں کھیلے گئے میں جنوبی افریقا کی اننگز کے دوران 26ویں اوور میں محمد رضوان اور ہینرچ کلاسن کے درمیان تلخ جملوں کا تبادلہ ہوا، جس نے میچ کو سنسنی خیز بنادیا۔ حارث رئوف نے اوور کی آخری گیند پر کلاسن کو بانسر کیا جس نے انہیں مشتعل کردیا اور یوں زبانی تکرار ہوئی تاہم امپائرز اور پلئیرز کی مداخلت نے بیچ بچا کروایا۔ ہینرچ کلاسن نے 74 گیندوں پر 97 رنز کی اننگز کھیلی تاہم وہ نسیم شاہ کا شکار بنے اور ٹیم کو جیت دلوانے میں بھی کامیاب نہ ہوسکے۔
