نیب میں گریڈ ایک تا 19 کی 238اسامیاں ختم

اسلام آباد (آن لائن)وفاقی کا بینہ کے 27اگست کے فیصلہ کی روشنی میں قومی احتساب بیورو نے بھی اپنے ادارے میں رائٹ سائزنگ کا بڑا فیصلہ کر لیا۔ ذرائع کے مطابق چیئر مین نیب نے نیب میں گریڈ ایک سے گریڈ 19 تک کی کل 238آسامیاں ختم کرنے کی منظوری دی ہے، چیئر مین نیب نے یہ منظوری بطور پرنسپل اکائونٹنگ افسر اپنے اختیارات استعمال کرتے ہوئے دی، ختم کی گئی آ سامیوں میں گریڈ انیس کی ایڈیشنل ڈائریکٹر کی 2، گریڈ اٹھارہ کی ڈپٹی ڈائریکٹر کی 1، گریڈ سترہ کی اسسٹنٹ ڈائریکٹر کی 58اور گریڈ سولہ کی ڈپٹی اسسٹنٹ ڈائریکٹر کی 8
پوسٹیں شامل ہیں،گریڈ سولہ کی ڈیٹا کنٹرول سپروائزر کی 3 اور گریڈ سولہ کی اسسٹنٹ پر ائیویٹ سیکرٹری کی 23، گریڈ پندرہ کی ڈیٹا کنٹرول اسسٹنٹ کی 1 اور اسسٹنٹ کی 12 پوسٹیں ختم کی گئی ہیں۔