اسلام آباد پر چڑھائی کرنیوالوں کو نہیں چھوڑینگے،سول نافرمانی کی کال ملک دشمنی ہے،وزیراعظم

اسلام آباد (مانیٹرنگ ڈیسک) وزیراعظم شہباز شریف نے دوٹوک پیغام میں کہا ہے کہ ملک کیخلاف ناپاک سازش اور اسلام آباد پر چڑھائی کرنے والوں کو نہیں چھوڑا جائے گا،وزیر اعظم نے سول نافرمانی کی کال کو ملک دشمنی قرار دے دیا۔ وفاقی کابینہ کے اجلاس میں اظہار خیال کرتے ہوئے وزیراعظم نے کہا کہ شام میں پاکستانیوں کے انخلا کے لیے وزارت خارجہ اور سفارتخانہ رابطے میں رہا، شام سے پاکستانیوں کی واپسی کے لیے لبنان کے وزیراعظم سے بات کی، لبنان میں سفیر کو ہدایات دی گئیں۔ ملکی حالات پر بات کرتے ہوئے شہباز شریف نے کہا کہ ملک
میں امن سکون،سیاسی استحکام ایک جزہے، سیاسی استحکام ملک کے معاشی استحکام کے لیے اہم ہے، آذربائیجان کی پاکستان میں 2 ارب ڈالر کی سرمایہ کاری ہے، ہفتہ وار مہنگائی کی شرح کم ہو کر 3.5 فیصد پر آگئی ہے،ہو ترسیلات زر بھی کافی بہتر ہوگئی ہیں، اوورسیزپاکستانی دن رات محنت کرکے پاکستان رقم بھجواتے ہیں، اللہ کا شکر ہے ہماری ترسیلات زر میں اضافہ ہوا ہے۔ وزیراعظم نے سول نافرمانی کی کال کو ملک دشمنی قرار دیتے ہوئے کہا کہ سول نافرمانی سے بڑی ملک دشمنی کوئی نہیں ہوسکتی، اسلام آباد پر چڑھائی کرکے ملک کے خلاف سازش کی گئی تھی، حکومت کو ہدایت کردی ہے کہ اس سازش کے ذمے داروں کو ثبوتوں کے ساتھ کیفر کردار تک پہنچایا جائے اور کسی بے قصور کو ہاتھ نہ لگایا جائے۔ ہدایات دیں ہیں کہ ملک کیخلاف سازش میں ملوث کسی بھی شخص کونہ چھوڑا جائے۔
‘وزیراعظم