محکمہ موسمیات نے نے کل سے ملک کے مختلف علاقوں میں بارش اور پہاڑوں پر برفباری کی پیشگوئی کر دی ہے ۔
محکمہ موسمیات نے موسم سے متعلق ایڈوائزی جاری کر دی ہے جس کے مطابق بارش و برفباری سے سردی کی شدت میں اضافہ ہوگا، ملک کے بالائی علاقوں میں کل سے مغربی ہواؤں کا سلسلہ داخل ہوگا، 14 دسمبر تک ہنزہ،سکردو،نیلم،چترال،مالاکنڈ،ایبٹ آباد میں بارشیں و برفباری متوقع ہے جبکہ مری،گلیات،اٹک،چکوال، گوجرانوالہ اور لاہور میں بھی بارش کا امکان ہے ۔
محکمہ موسمیات کی ایڈوائزری کے مطابق میدانی علاقوں میں کہرا پڑنے،پنجاب اور بلوچستان میں سرد ہوائیں چلنے کا امکان ہے ، 8 سے 14 دسمبر کے دوران ملک کے درجہ حرارت میں نمایاں کمی ہوگی، پنجاب،خیبرپختونخوا،کشمیر اور گلگت بلتستان میں پارہ معمول سے 6 ڈگری تک گرسکتا ہے، بلوچستان میں درجہ حرارت معمول سے 5 سے 7 ڈگری تک کم ہوسکتا ہے، عوام شدید سردی میں باہر نکلنے اور بے جا سفر سے اجتناب کریں، ادارے الرٹ رہیں۔
