راولپنڈی (اے پی پی)چیئرمین جوائنٹ چیفس آف اسٹاف کمیٹی جنرل ساحر شمشاد مرزا نے عراق کے دورے کے دوران وزیراعظم محمد شیاع السودانی، وزیر دفاع ثابت محمد سعید العباسی، وزیر داخلہ عبد الامیر الشمری اور چیف آف ڈیفنس فورسز جنرل عبد الامیر رشید یار اللہ سے ملاقات کی۔ آئی ایس پی آر کے مطابق ان ملاقاتوں کے دوران دونوں جانب سے باہمی دلچسپی کے اہم امور پر تبادلہ خیال کیا گیا جن میں سیکورٹی، دفاعی تعاون اور موجودہ علاقائی ماحول شامل ہیں۔
