اسلام آباد: موٹروے پولیس نے اٹھائیسویں یومِ تاسیس کے موقع پر مسافروں کی سہولت کے لیے ای ٹکٹنگ ایپ کا آغاز کرتے ہوئے کہا ہےکہ جلد چاروں صوبوں میں موٹرویز کا جال بچھ جائے گا۔
میڈیا رپورٹس کے مطابق تقریب سے خطاب کرتے ہوئے آئی جی موٹرویز سلمان چوہدری کاکہنا ہے کہ ایکسل لوڈ مینجمنٹ کے حوالے سے ہمیں مسائل درپیش تھے لیکن ہم نے گزشتہ سال سے اب تک ایکسل لوڈ پر 95 فیصد عمل درآمد کروا لیا ہے، جس کے بعد ہمارے پاس ریڈار، اسپیڈ گنز اور ایمبولنسز موجود ہیں۔
انہوں نے مزید کہاکہ جدید مشینریوں کا استعمال کررہے ہیں، جس کی مدد سے ہر چیز آٹو ہوجائے گی
اور چوری کی گئی ہر گاڑی کا آسانی سے پتہ چل جائے گا، آج موٹرویز ساڑھے 4 ہزار کلو میٹر تک پہنچ چکا ہے۔
سلمان چوہدری کا کہنا تھا کہ موٹروے پر کسی غلطی یا خلاف ورزی پر گاڑی چلانے والے کے پوائنٹس کم ہوں گے، جس کی مخصوص بار کے بعد لائسنس معطل ہو جائے گا۔
