مٹیاری (نمائندہ جسارت) شہر اور نواحی علاقوں کے بیشتر ہوٹلوں اور سڑک کنارے لگائے گئے دودھ کی دکانوں پر کیمیکل ملے دوددھ اور چائے کا کاروبار جاری ہے جس کے باعث سیکڑوں شہری گیسٹرو، پیٹ اور معدے کے امراض میں مبتلا ہو گئے۔ ڈاکٹروں کے مطابق کیمیکل ملے دودھ کی چائے یا دودھ پینے سے پیٹ اور معدے کے امراض میں تیزی سے اضافہ ہو رہا ہے، ضلعی انتظامیہ اور محکمہ فوڈ اتھارٹی نے کاروبار کرنے والوں کے خلاف تاحال کوئی کارروائی نہیں کی جس کے باعث ہزاروں شہریوں کی صحت داؤ پر لگی ہے۔ سول سوسائٹی نے وزیر اعلیٰ سندھ، کمشنر حیدرآباد اور ڈپٹی کمشنر مٹیاری سے نوٹس لینے کا مطالبہ کیا ہے۔
