لاڑکانہ: تیز رفتار ٹریکٹر اور موٹر سائیکل میں ٹکر، نوجوان جاں بحق ہو گیا

لاڑکانہ (نمائندہ جسارت) موئن جو دڑو کے قریب عالمانی پولیس پکٹ کے قریب تیز رفتار ٹریکٹر اور موٹر سائیکل میں ٹکر کے نتیجے میں گاؤں دڑا کا رہائشی 19 سالہ نوجوان نصیر احمد کھوکھر موقع پر جاں بحق ہو گیا، جبکہ حادثے کے نتیجے میں 2 افراد جمیل سومرو اور صابر حسین سومرو شدید زخمی ہوگئے، اطلاع پر پولیس نے لاش تعلقہ اسپتال ڈوکری جبکہ زخمیوں کو علاج کے لیے ٹراما سینٹر منتقل کردیا، جہاں انہیں طبی امداد دی گئی، پولیس کے مطابق حادثہ تیز رفتاری کے باعث پیش آیا ہے۔