ملتان(اسپورٹس ڈیسک)۔چوتھے ٹی ٹوئنٹی بلائنڈکرکٹ ورلڈ کپ میں سیمی فائنلز کی لائن اپ مکمل ہوگئی پاکستان، بنگلا دیش، سری لنکا اور نیپال نے لاسٹ4 مرحلے کیلئے کوالیفائی کرلیا سیمی فائنلز میں پاکستان کا مقابلہ نیپال جبکہ بنگلا دیش سری لنکا کے مدمقابل ہوگا گروپ میچز کے آخری مرحلے میں کھیلے گئے میچز میں پاکستان نے افغانستان کو 7 وکٹوں سے شکست دیکر ایونٹ میں مسلسل5ویں کامیابی سمیٹتے ہوئے گروپ میں پہلی پوزیشن حاصل کی جبکہ بنگلا دیش نے ساؤتھ افریقا کیخلاف 10وکٹوں سے فتح کے ساتھ دوسری سری لنکا تیسری اور نیپال چوتھے نمبر پر رہاملتان کرکٹ اسٹیڈیم میں پاکستان نے ٹاس جیت کر افغانستان کو بیٹنگ کی دعوت دی افغانستان کی پوری ٹیم 19.2 اوورز میں صرف 94 رنز بنا کر آؤٹ ہوگئی اجمل امرخیل نے 13 گیندوں پر 15 رنز بنا کر نمایاں رہے پاکستان کیجانب سے فخر عبا س نے شاندار بولنگ کا مظاہرہ کرتے ہوئے 2.2 اوورز میں 4 رنز کے عوض 3 کھلاڑیوں کو پویلین بھیجا پاکستان نے مطلوبہ ہدف 9.5 اوورز میں 3 وکٹوں کے نقصان پر حاصل کرلیا پاکستان کیجانب سے طلحہ اقبال نے 15 گیندوں پر 32 جبکہ محمد سلمان نے 14 گیندوں پر 16 رنز بنائے مہمان خصوصی جنرل ریفائنری پارکو نے چیئرمین پی بی سی سی سید سلطان شاہ کے ہمراہ پاکستان کے فخر عباس کو مین آف دی میچ کا ایوارڈ دیا ڈائریکٹر جنرل اسپیشل ایجوکیشن پنجاب شاہدہ فرخ نوید نے فرمان اللہ قاضی کو ایمرجنگ پلیئر آف دی میچ کا ایوارڈ دیا ڈی ایچ اے گراؤنڈ ملتان میں کھیلے گئے دوسرے میچ میں بنگلا دیش نے ساؤتھ افریقا کو 10 وکٹوں سے ہرا دیا ساؤتھ افریقا نے ٹاس جیت کر پہلے بیٹنگ کا فیصلہ کیا اور 20 اوورز میں 8 وکٹوں کے نقصان پر 149 رنز بنائے لیسیڈی لیسوفی نے 39 بالز پر 33 رنز بنائے بھولے نے 23 گیندوں پر 23 رنز بنائے بنگلا دیش نے ہدف 12.5 اوورز میں بغیر کسی نقصان کے مکمل کرلیا۔
