کراچی (اسٹاف رپورٹر)محمد علی جناح یونیورسٹی کی اے سی ایم سوسائٹی ڈاکٹر شوکت وصی اور فوزیہ ناز کی رہنمائی میں اپنا فلیگ شپ ایونٹ جناح لیگ 14 اور 15 دسمبر کو منعقد کروا رہی ہے۔ اس ایونٹ کی قیادت اے سی ایم کے مینٹور سید حیدر امام جعفری اور چیئرپرسن سید محمد مدبر حسین کر رہے ہیں۔جناح لیگ 2024 میں پروگرامنگ مقابلے، گیمنگ مقابلے، فوڈ اسٹالز، اور سوشل ایونٹس شامل ہیں۔ اس ایونٹ کو ڈیویلپر ڈیوز، 360 اسکلز، پروبائٹس، اور کئی دیگر کمپنیوں کی اسپانسرشپ حاصل ہے۔500,000 روپے کے شاندار انعامی پول کے ساتھ، یہ طالب علموں کے لیے ایک سنہری موقع ہے جہاں وہ اپنی صلاحیتوں کا مظاہرہ کرنے کے ساتھ ساتھ تفریح سے لطف اندوز ہو سکتے ہیں۔
