بنوں اورلورالائی میں ٹریفک حادثات، 5طلبہ سمیت 10جاں بحق

241130-08-32
لورالائی/بنوں (مانیٹرنگ ڈیسک)لورالائی اوربنوں میں ٹریفک حادثات میں5طلبہ سمیت10افراد جاں بحق متعدد زخمی ہوگئے ۔تفصیلات کے مطابق بلوچستان کے ضلع لورالائی میں تیز رفتار ٹرالر اور کار میں تصادم سے 5 افراد جاں بحق ہوگئے۔جاں بحق افراد کی لاشوں کو قریبی ہسپتال منتقل کردیا گیا۔ بنوں میں فلائنگ کوچ کھائی میں جاگری 5 طلبہ جاں بحق جبکہ 9 شدید زخمی ہوگئے۔افسوسناک حادثہ میران شاہ روڈ پر پیش آیا جہاں طلبہ سے بھری کوچ بے قابو ہوکر گہری کھائی میں جاگری، حادثے میں 5 طلبہ موقع پر دم توڑ گئے جبکہ 9 زخمی ہوگئے۔ریسکیو ٹیموں نے موقع پر پہنچ کر آپریشن کا آغاز کر دیا جبکہ جاں بحق طلبہ کی لاشوں اور زخمیوں کو ہسپتال منتقل کردیا گیا ہے۔