اسلام آباد: پی ٹی آئی رہنما رؤف حسن کا کہنا ہے کہ پاکستان تحریک انصاف کو آگے بڑھانے کے لیے نئی قیادت پر سوچا جا رہا ہے۔
نجی ٹی وی سے گفتگو کرتے ہوئے پاکستان تحریک انصاف کے رہنما رؤف حسن نے کہا کہ 26 نومبر کو علی امین گنڈاپور اور بشریٰ بی بی کی گاڑی کو بھی گولیاں لگیں تھیں جس کے بعد انہیں وہاں سے نکالنا ہی بہتر تھا۔
رؤف حسن کا کہنا تھا کہ اس وقت ہم اپنے گریبان میں جھانک رہے ہیں کہ ہم سے کہاں غلطیاں ہوئیں، میرا نہیں خیال کسی شخص کو زبردستی دھرنے کے مقام سے لے جانا ممکن ہے۔
انہوں نے کہا کہ جو کچھ اسلام آباد میں ہوا وہ ایک سنجیدہ معاملہ ہے ،بشریٰ بی بی اور علی امین خود بتائیں گے وہاں کیا ہوا تھا، وہ کیوں وہاں سے گئے۔
