کراچی ( اسٹاف رپورٹر ) ڈکیتی مزاحمت پر 22 سالہ نوجوان کے قتل کا مقدمہ درج کرلیا گیا، مقتول کے بھائی نے بتایا کہ ہم نے ایک ڈاکو کو پستول سمیت پکڑ ا تو فائرنگ سے یعقوب جاں بحق ہوگیا۔تفصیلات کے مطابق بھینس کالونی میں ڈکیتی مزاحمت پر22 سالہ نوجوان کے قتل کا مقدمہ درج کرلیا گیا۔تھانہ سکھن میں مقدمہ قتل اور اقدام قتل کی دفعات کے تحت درج کیا گیا۔مدعی مقدمے نے بتایا کہ بھائی یعقوب کو کل شام موٹر سائیکل سوار 2 ملزمان نے روکا اور موبائل چھینا، یعقوب ہماری طرف دوڑا اور آواز لگائی کہ موبائل فون چھین لیا۔ مدعی شکیل کا کہنا تھا کہ ہم نے دوڑ کر ایک ڈاکو کو پہلے پستول سمیت پکڑ ا تو فائرنگ سے میرا بھائی یعقوب جاں بحق جبکہ مظہر زخمی ہوا۔
