کراچی (پ ر) اللہ نے مومنین سے انکے جان مال اور نفس جنت کے بدلے خرید لیے ہیں شہادت حق کے فریضہ کی ادائیگی ہی سے دنیا و آخرت میں کامیابی مل سکتی ہے ان خیالات کا اظہار معتمدہ ضلع شمالی امیمہ محتشم نے بنو قابل ٹیسٹ کے رضاکاروں سے گفتگو کرتے ہوئے کیا۔ جماعت اسلامی حلقہ خواتین (ضلع شمالی)کے تحت نارتھ کراچی نیو کراچی اور سرجانی میں بنو قابل ٹیسٹ کے دوران مختلف ذمہ داریاں ادا کرنے والے رضا کاران کے اعزاز میں والینٹئرز میٹ اپ رکھا گیا، نائب ناظمہ ضلع اور نگراں شعبہ نوجوانان طلعت سعید نے گفتگو کرتے ہوئے کہا کہ ظلم کے خلاف کھڑا ہونا اور حق کی گواہی دینا سب سے بڑی ذمہ داری ہے رکن شوریٰ ضلع شمالی فرحانہ شان نے کہا کہ اللہ کے نبیﷺ کی زندگی کا مشن حکومت الہٰیہ کا قیام تھا اس موقع پر ناظمات علاقہ نے شرکاء میں سرٹیفکیٹ بھی تقسیم کیے۔
