کراچی (اسٹاف رپورٹر) پوتے کو موٹر سائیکل چور بنانے والے دادا کو گرفتار کرلیا گیا، 10 سالہ بچے کو گزشتہ روز گرفتار کیا گیا تھا۔ ایس ایس پی طارق مستوئی کے مطابق پولیس نے عباس گوٹھ میں چھاپا مار کر پوتے کو موٹر سائیکل چور بنانے والے دادا کو گرفتار کرلیا۔ ملزم سیف اللہ بچے کی خالہ کے گھر چھپا ہوا تھا، ملزم نے 10 سال کے شاہ زیب کو موٹر سائیکل چوری کرنا سکھائی تھی۔ ایس ایس پی ویسٹ کا کہنا تھا کہ ملزم سیف اللہ کے مطابق وہ چیکو باغ بلوچستان میں موٹر سائیکل بیچتا تھا۔ طارق مستوئی نے کہا کہ 10 سالہ بچے نے بتایا تھا 5 منٹ میں موٹرسائیکل چوری کر لیتا ہے تاہم گرفتار بچے کی سی سی ٹی وی فوٹیجز بھی حاصل کی ہیں۔
