کراچی (اسٹاف رپورٹر) بین الصوبائی موٹر سائیکل لفٹر گروہ کے اہم کارندے کو گرفتار کرکے مکان سے موٹر سائیکلوں کے 142 چیسز اور ایک انجن برآمد کرلیا۔ ایس ایس پی ویسٹ طارق الٰہی مستوئی کے مطابق پولیس نے سرجانی میں بڑی کارروائی کرتے ہوئے کہا کہ بین الصوبائی موٹر سائیکل لفٹر گروہ کے اہم کارندے آصف کو گرفتار کرلیا۔ کارروائی یوسف گوٹھ کچی آبادی میں واقع مکان پرکی گئی۔ مکان سے موٹر سائیکلوں کے 142 چیسز اور ایک انجن برآمد ہوا۔ طارق الٰہی مستوئی کا کہنا تھا کہ موٹر سائیکلوں کے75 ٹینک، 16 سیٹیں، 38 ہینڈل سمیت درجنوں کی تعداد موٹر سائیکلوں کے پارٹس برآمد ہوئے۔
