سینئر وزیر پنجاب مریم اورنگزیب نے کہا ہے کہ الحمدللہ 9 مئی ٹو کے پلان کو ناکام بنا دیا گیا،
لاہور سے جاری ایک بیان میں پنجاب کی سینئر وزیر مریم اورنگزیب نے کہا کہ 9 مئی کو کارکنوں کو آگے لگا کر فوجی تنصیبات پر حملہ کیا گیا اور 26 نومبر کو کرائے کے دہشت گردوں اور اسلحے کے ساتھ رینجرز اور پولیس شہید کروائے گئے، شرپسند 2014 میں ڈی چوک قبریں کھودنے آئے تھے اور 2024 میں رینجرز اور پولیس اہلکاروں کو شہید کر کے بھاگ گئے۔
انہوں نے کہا کہ یہ لوگ ڈی چوک میں صرف رینجرز اور پولیس کی لاشیں لینے آئے تھے، پولیس اور رینجرز اہلکاروں کی شہادت کے ذمہ دار بانی پی ٹی آئی، بشری بی بی اور گنڈا پور ہیں۔
مریم اورنگزیب نے کہا کہ کرائے کے دہشت گرد اسلحہ لا کر ملک کو آگ لگا کر بلٹ پروف گاڑی میں بھاگ گئے ،جو سر پہ کفن باندھ کے آنے کا نعرہ لگا کر آئے تھے وہ پولیس اور رینجرز کو شہید کر کے بھاگ گئے، کوئی بھی پاکستانی یہ حرکت نیہں کر سکتا۔
انہوں ںے کہا کہ عمران خان کا انقلاب دم دبا کر بھاگ گیا ،تین دن عوام نے پی ٹی آئی کی دہشت گردی دیکھی، تحریک انصاف سیاسی جماعت نہیں“ہارڈنڈ کرمنلز“ کا گروہ ہے۔
