کراچی (سید وزیر علی قادری) انٹرنیشنل کرکٹ کونسل نے پاکستان میں ہونے والی آئی سی سی چیمپئنز ٹرافی 2025 ء کے مستقبل پر غور کے لیے 29 نومبر کو بورڈ میٹنگ بلالی۔ آئی سی سی کے ترجمان نے تصدیق کی ہے کہ یہ میٹنگ آن لائن منعقد ہوگی اور تمام بورڈ ممبران کو ایجنڈا بھیج دیا گیا ہے۔ ذرائع کے مطابق میٹنگ کے دوران چیمپئنز ٹرافی کے شیڈولنگ اور مستقبل پر غور کیا جائے گا، اجلاس میں چیمپئنز ٹرافی پر مختلف آپشنز پر تبادلہ خیال کیا جائے گا۔ادھر پاکستانی مداح اور شائقین پریشان ہیں کہ 1996ء کے بعد بڑے ایونٹ کی میزبانی پی سی بی کو ملتی بھی ہے یا نہیں، یہ تو 29نومبر کے اجلاس کے بعد ہی حتمی طور پر معلوم ہوسکے گا۔
