کراچی ( اسٹاف رپورٹر ) شہر قائد کے دو مختلف علاقوںمیں پولیس مقابلے کے دوران زخمیوں سمیت 6ملزمان کو گرفتار کر کے ملزم کے قبضے سے اسلحہ ،موبائل فون ،موٹر سائیکل ، نقدی اور مسروقہ سامان برآمد کر لیا گیا ۔ تفصیلات کے مطابق سچل تھانے کی حدود پنجاب بس اڈہ پر سچل پولیس اور اسٹریٹ کرمنلز کے درمیان ایک مقابلہ ہوا۔ دوطرفہ فائرنگ کے تبادلے کے بعد 02 ملزمان گرفتار ہوئے گرفتار ملزمان میں سے ایک زخمی کی شناخت علی رضا ولد سرور اور دوسرے ملزم کی شناخت شاہ زیب ولد احسن کے ناموں سے ہوئی ۔ پولیس نے ایک پستول، گولیاں ،چھینا ہوا موبائل، نقدی اور مسروقہ موٹر سائیکل برآمد کر لیا۔ زخمی کو طبی امداد کے لیے اے ایس ایچ منتقل کر دیا گیا ہے اور مزید تفتیش جاری ہے۔ ادھر خواجہ اجمیر نگری تھانے کی حدود نارتھ کراچی 5B2مکہ ہوٹل کے قریب پولیس اور ڈاکوؤں کے درمیان مقابلہ ہوا، دو طرفہ فائرنگ کے تبادلے کے بعد 02 ڈاکو گرفتار کر لیے گئے ۔
