کراچی ( اسٹاف رپورٹر )تھانہ سائٹ سپر ہائی وے پولیس کی کارروائی، چھینی ہوئی کار 12 گھنٹے سے بھی کم وقت میں برآمد ہوئی ۔گزشتہ شب تھانہ سائٹ سپر ہائی وے کی حدود میں ایک گاڑی نمبری BCH-321 گن پوائنٹ پر چھین لی گئی تھی، جس کی اطلاع فوری طور پر متعلقہ تھانے کو دی گئی۔پولیس نے فوری طور پر کارروائی کا آغاز کیا اور گاڑی اور ملزمان کی گرفتاری کے لیے تلاش شروع کی،پولیس نے کارروائی کے دوران کامیابی حاصل کرتے ہوئے جامشورو ٹول پلازہ سے چھینی ہوئی کار برآمد کرلی۔پولیس نے گاڑی کو ضابطے کے تحت قبضے میں لے لیا اور ملوث ملزمان کی گرفتاری کے لیے کارروائیاں جاری ہیں۔کار کو مکمل تصدیق کے بعد اس کے اصل مالک کے حوالے کیا گیا، جنہوں نے پولیس کی بروقت کارروائی پر ان کا شکریہ ادا کیا۔
