کراچی ( اسٹاف رپورٹر ) ڈکیتی کی متعدد وارداتوں میں ملوث میاں بیوی کو گرفتار کرلیا گیا ، ملزمان محسن اور عظمیٰ انتہائی مطلوب تھے۔ایس ایس پی ایسٹ فرخ رضا کے مطابق سائٹ سپر ہائی وے پولیس نے گلشن معمارموڑ پر کارروائی کرتے ہوئے ڈکیتی کی متعدد وارداتوں میں ملوث میاں بیوی کو گرفتار کرلیا۔ ملزمان محسن اور عظمیٰ انتہائی مطلوب تھے تاہم گرفتار میاں بیوی سے 2 پستول برآمد ہوئے۔فرخ رضا کا کہنا تھا کہ ملزم محسن پہلے بھی گرفتار ہوکر جیل جا چکا ہے، ملزم نے کورنگی کیماڑی ایسٹ میں وارداتوں کا اعتراف کیا۔محسن اور اس کی بیوی عظمیٰ کا کرمنل ریکارڈ چیک کیا جارہا ہے، مقدمہ درج کر کے مزید تفتیش کا آغاز کردیا گیا ہے۔
