کراچی ( اسٹاف رپورٹر) معروف کاروباری وسماجی شخصیت رضوان تنولی نے اپنے ایک بیان میں کہا ہے کہ بلدیہ ٹائون کو مکمل طورپر لاوارث چھوڑ دیاگیا ہے۔ سیکٹر 9بلاک بی میں واقع اسکول کے گرائونڈ کو سولڈ ویسٹ منیجمنٹ کی انتظامیہ نے گاربیچ پوائنٹ بنادیا ہے۔جس سے کھیلوں کی سرگرمیاں مکمل طورپر ختم ہوچکی ہیں۔ رضوان تنولی نے کہاکہ اس سلسلے میں متعدد بار انتظامیہ کی جانب سے یقین دہانی کرائی گئی، تاہم اس پر آج تک عمل درآمد نہیں ہوسکا۔ رضوان تنولی نے کہاکہ میئر کراچی مرتضیٰ وہاب اور ایم پی اے آصف موسیٰ اس مسئلے پر فوری توجہ دیں۔
