کراچی (اسپورٹس رپورٹر)پاکستان کرکٹ ٹیم کی منیجمنٹ نے زمبابوے کے خلاف دوسرے ون ڈے کیلئے پلیئنگ الیون کا اعلان کر دیا۔ پاکستان اور زمبابوے کے درمیان دوسرا ون ڈے انٹرنیشنل کل بلاوائیو میں کھیلا جائے گا جس کے لیے قومی ٹیم میں 2 تبدیلیاں کی گئی ہیں۔ حسیب اللہ کی جگہ طیب طاہر اور محمد حسنین کی جگہ ابرار احمد کو ٹیم میں شامل کیا گیا ہے۔ ابرار احمد اور طیب طاہر پہلی مرتبہ پاکستان کی جانب سے ون ڈے انٹرنیشنل کھیلیں گے۔ زمبابوے کے خلاف دوسرے ون ڈے کیلیے پاکستان ٹیم میں صائم ایوب، عبداللہ شفیق، کامران غلام ، محمد رضوان، سلمان آغا، طیب طاہر، عرفان نیازی ، عامر جمال ، حارث روف، فیصل اکرم اور ابرار احمد شامل ہیں واضح رہے کہ بارش سے متاثرہ پہلے میچ میں زمبابوے نے ڈک ورتھ لوئیس میتھڈ کے تحت 80 رنز سے کامیابی حاصل کرکے 3 میچز کی سیریز میں 1-0 کی برتری حاصل کی۔
