احمد پور شرقیہ: دودھ والا ٹینکر بے قابو ہوکر سڑک کنارے موجود گھر کی عمارت سے جا ٹکرایا۔
تفصیلات کے مطابق بہاولپور کی تحصیل احمد پور شرقیہ کے علاقے ہتھیجی میں دودھ کا ٹینکر بے قابو ہوکر سڑک کنارے موجود گھر کی عمارت سے جاٹکرایا۔حادثہ میں بچوں اور ڈرائیور سمیت 4 افراد جاں بحق ہو گئے۔
ذرائع کے مطابق افسوسناک واقعہ نواحی علاقے پل صدیق آباد کے قریب پیش آیا۔دودھ والا ٹینکر گھر سے ٹکرانے کے بعد رہائشی عمارت زمین بوس ہو گئی۔
