آئی سی سی چیمپئنز ٹرافی کراچی کا دورہ مکمل کرکے لاہور پہنچ گئی

کراچی(سید وزیر علی قادری ) آئی سی سی چیمپئینز ٹرافی کراچی ٹور مکمل کرنے کے بعدلاہور پہنچ گئی۔ باغوں کے شہر اور پاکستان کرکٹ بورڈ(پی سی بی ) کے ہیڈکواٹر لاہور میں ٹرافی کی رونمائی کا کوئی پروگرام نہیں رکھا گیا۔ پی سی بی حکام کا کہنا ہے کہ لاہور میں پہلے سے طے
شدہ پروگرام کے مطابق ٹرافی کی کوئی سرگرمی نہیں تاہم حالات دیکھتے ہوئے پروگرام بنا تو مطلع کیا جائے گا۔آئی سی سی چیمپئینز ٹرافی16نومبر کو اسلام آباد پہنچی تھی، ایبٹ آباد، مری سمیت مختلف مقامقات کے ٹور کے بعد کراچی میں اس کو لے جایا گیا۔ شہر قائد میں3دن کراچی میں مختلف مقامات پر رونمائی کے بعد اب پی سی بی ہیڈ کوارٹر ٹرافی کو رکھ دیا گیا ہے، یہاں سے ٹرافی26نومبر کو افغانستان پہنچے گی، اس کے بعد بنگلادیش، جنوبی افریقا سے ہوتی ہوئی آخری مرحلے میں بھارت کے بعد 27 جنوری کو دوبارہ پاکستان لائی جائے گی۔