لاہور(اسپورٹس ڈیسک):چوتھے ٹی ٹوئنٹی بلائنڈ کرکٹ ورلڈکپ کیافتتاحی میچ میں پاکستان نے جنوبی افریقا کو 8 وکٹوں سے شکست دیدی۔ گزشتہ روزغنی انسٹی ٹیوٹ کرکٹ گرائونڈ ڈی ایچ اے میں جنوبی افریقا بلائنڈ ٹیم نے پاکستان بلائنڈ کیخلاف ٹاس جیت کر پہلے بیٹنگ کا فیصلہ کیا اور مقررہ اوورزمیں8وکٹوں کے نقصان پر 129 رنز بنائے۔ لیصوفی نے24اور ٹرہار نے 17رنز بنائے، پاکستان کیجانب سے بابرعلی نے 2اورمحمدشاہ زیب نے ایک وکٹ حاصل کی۔جواب میں پاکستان بلائنڈ ٹیم نے 129رنزکامطلوبہ ہدف10.3 اوورز میں 2وکٹوں کے نقصان پر حاصل کیا،نعمت اللہ نے 31گیندوں پر59رنز کی اننگز کھیلی ،ظفراقبال نے 31 رنزبنا کر ناٹ آئوٹ رہے۔
