کراچی : ڈکیتی کے دوران مزاحمت پرفائرنگ کے نتیجے میں ایک شخص جاں بحق ہوگیا ۔رواں سال 2024 میں ڈکیتی کے دوران مزاحمت پرڈاکووں کی فائرنگ سے جاں بحق افراد کی تعداد 107 ہو گئی ۔
شہر میں جاری ڈاکو راج کے تازہ واقعہ میں میں ڈاکووں نے فائیوراسٹارچورنگی پل پر ڈکیتی کے دوران مزاحمت پرفائرنگ کر کے ایک اور شخص کو قتل کر دیا، ڈاکو موقع سے فرار ہونے میں کامیاب ہو گئے۔
واقعے کے وقت مقتول کے ساتھ موجود دوست فائرنگ سے محفوظ رہا۔ ڈکیتی کے تازہ واقعات میں جمعہ اور ہفتہ کی درمیانی شب فائیوراسٹارچورنگی پل پر سلمان نامی شہری موٹر سائیکل پر اپنے دوست بلال کے ہمراہ جارہا تھا کہ موٹرسائیکل سوارڈاکووں نے اسلحے کے زورپر اسے لوٹنیکی کوشش کی۔
مقتول کے دوست بلال کے مطابق ڈاکو جب لوٹ کر فرارہونے لگے توسلمان نے اپنی پستول نکالی جسے دیکھ کرڈاکووں نے فائرنگ کی۔مقتول سلمان لیاقت آباد کا رہائشی اورچاربچوں کاباپ تھا ۔
پولیس کے مطابق ملزم مقتول کاپرس اوراسلحہ لے کر فرار ہوئے۔ پولیس نے واقعے کے مقام سے گولی کے خول تحویل میں لے کر فرار ملزموں کی تلاش شروع کردی۔
