اقوام متحدہ(مانیٹرنگ ڈیسک)اقوام متحدہ کے جوہری نگراں ادارے نے تعاون نہ کرنے پر ایران کی مذمت کرتے ہوئے طویل گرما گرم بحث کے بعد قرارداد منظور کرلی۔عالمی خبر رساں ادارے کے مطابق ایران کے خلاف پیش کی گئی قرارداد کی 19 رکن ممالک نے حمایت کی جب کہ چین، روس اور برکینا فاسو نے مخالفت میں ووٹ دیا۔علاوہ ازیں 12 ممالک نے رائے شماری میں حصہ نہ لیکر قرارداد کی نہ تو حمایت کی اور نہ ہی مخالفت میں ووٹ دیا۔ خیال رہے کہ یہ قرارداد اْس وقت سامنے آئی ہے جب ایران کے بارے میں یہ ٹھوس اطلاعات سامنے آئی ہیں کہ وہ جوہری ہتھیار تیار کر رہا ہے۔
