عارف والا (اسپورٹس ڈیسک)10 واں آل پاکستان ایکسپرٹ انٹرنیشنل ٹی ٹوئنٹی کرکٹ ٹورنامنٹ بابافرید کرکٹ اسٹیڈیم عارفوالا میں آج سے شروع ہورہاہے جس میں پاکستان سے 32 نامور کلب کی کرکٹ ٹیمیں حصہ لے رہی ہیں۔ افتتاحی میچ ایم سی سی گرین مظفرگڑھ بمقابلہ کریسنٹ کرکٹ کلب حویلی لکھا کے درمیان کھیلا جائے گا ۔ ٹورنامنٹ میں ونر ٹیم کو3 لاکھ روپے نقد اور طلائی ٹرافی جبکہ رنر اپ ٹیم کو ایک لاکھ روپے اور چاندی ٹرافی جبکہ مین آف دی ٹورنامنٹ کھلاڑی کو50 ہزار روپے نقد اور ٹرافی انعام میں دیا جائے گا۔ ٹورنامنٹ کے ہرمیچ میں تماشائیوں کو ایک کیچ پکڑنے پر 25ہزار روپے نقد دیا جائے گا۔
